Деги биздин бийликте биримдик барбы же «Чоң казат» партиясында жүрүп, башаламандыктан пайдаланып, чыр-чатак учурунда вице-премьер болуп келген Мамытканов «Мекенчилдер» партиясынан президент болгон Садыр Жапаровду көрө албайбы? Вице-премьер –министр айрыкча шайлоо алдында өзүн жогорку кызматка көтөргөн президентке талапкерди колдоп коюшу керек эле. Ал эми Мамытканов өзүнө чаң жугузбай: «Кытайдын тышкы карызын кен ишканасы тарабынан төлөгөндүгү жөнүндө маалымат бул - Садыр Жапаровдун жеке пикири болуп саналат» -деп карасанатайлык менен жаман нерселердин барын Садыр Жапаровго шыбап койду. Бул тууралуу шайлоо алдында унчукпай койо турса өлмөк беле же Жапаровдун атаандаштарынын буюртмасын аткарып жатабы? Мамытканов чирик саясат жүргүзүп, Садыр Жапаровго каршы чыкса да Жапаров өттү бирок канчага президент болот ким билет, эми Жапаров элдин ишеничин актабаса Мамытов, Мамыткановун баш кылып барын эл кубалап саларын турмуш көрсөттү..

Мамыткановдун сасыткы ойлорун кененинээк жазып кетели.   Өкмөттө кендин кору жөнүндө маалымат дагы, Жетим-Тоо кени боюнча дагы башка маалыматтар жок. Бул тууралуу вице-премьер-министр Максат Мамытканов маалымат жыйынында билдирди: «Жетим-Тоону геологиялык чалгындоого лицензия жок. Демек, кордун так эсеби жок. Биринчиден, запастардын, чыгымдардын жалпы саны керек. Техникалык-экономикалык негиздемесин жана долбоорлорун түзүү зарыл.

Бул жерде эң маанилүүсү - кен мамлекеттин балансына өтөт. Мындай чоң кенди иштетүү үчүн электр энергиясынын запасы көзөмөлдөнүшү шарт. Ошондуктан, биз биринчи кезекте энергетика тармагын өнүктүрүп алуубуз абзел.

Ал эми Кытайдын тышкы карызын кен ишканасы тарабынан төлөгөндүгү жөнүндө маалымат бул - Садыр Жапаровдун жеке пикири болуп саналат», - деп баса белгиледи Максат Мамытканов.

Эскерте кетсек, Садыр Жапаров 12-ноябрда маалымат жыйынын өткөрүп жатып, Кытайга болгон карызды «Жетим-Тоонун» чийки заты менен төлөө варианты талкууланып жаткандыгын айткан. «Жана дагы ушул вариант каралып жатат. Эгерде биз чийки зат берсек, жылына болжол менен 1 миллиард доллар төлөй алабыз», - деген ал ошондо.

Азизбек КЕЛДИБЕКОВ, NazarNews.kg