Туристтик сезонго кылдат көңүл буруш керек эле. Өзгөчө ЫсыкКөлдөгү коомдук-коопсуздук абалды, тартипти көзөмөлдөө маанилүү. Тилекке каршы, аз күн мурун “Каприз” пансионатынан мушташ чыгып, интернетке видеосу тарап, көпчүлүктү иренжитти. Ушуну менен аймакта үчүнчү ирет массалык мушташ катталууда... Ал эми Балыкчыдан Караколго чейинки жол коопсуздугун шылтоолоп турушкан “ала таякчандар” пара алуусун ашынтканы кандай?

Эс алуучулар, туристтер даттанып отурушмак беле? Ылдамдыктын кичине ашып кеткенин көрсөтүшүп, шыпыра беришеби? Конокторго коопсуздукту, мыйзамдуулукту, меймандостукту көрсөтө албай, жапайычылыкта коркута берсек, кантип жакшы болсун?!

Бул боюнча тийешелүү жетекчилер ырааттуу, чечкиндүү ишмердиктерин көрсөтүшү зарыл. Бирок кеч болуп калды го? Айтор, акыбал мышык ыйлачудай...

Булак: Азия News гезити