Украиналык клиникалардын биринин жетекчилиги жаңы төрөлгөн балдарды чет өлкөгө сатууну уюштурду. Тармак карын эне(суррогатная мать) программасын жамынып иштеген. Бул тууралуу Рамблер басылмасы билдирүүдө.

Маалыматка ылайык, оорукананын жетекчилигинен тышкары, кылмыштуу топтун курамына чет өлкөлүктөр менен ойдон чыгарылган, никеге турууга макул болгон украиналыктарды издеген адамдар кирди.

Белгиленгендей, топ бир баланы сатуу үчүн дээрлик 50 миң доллар алган.

Украинанын коопсуздук кызматкерлери чет жакка кетүүнү күтүп жаткан балдар жашаган батирди табышты. Алар Киевдеги балдар ооруканаларына жайгаштырылган. 140ка жакын чет элдиктер кылмыштуу схемага катыштыгы барбы же жокпу  текшерилип жатат. 

Булак: NazarNews.kg