Батыш өлкөлөрү Орусиянын “кызыл сызыктарын” түшүнбөсө, мынчалык ачууланмак эмес, деп билдирди Орусиянын Тышкы иштер министрлигинин басма сөз катчысы Мария Захарова.

"Эгер алар муну билишпесе, менимче, мынчалык ачууланмак эмес", - деди Захарова "Россия-1" телеканалынын 60 мүнөттүк программасында.

Буга чейин Орусиянын президенти Владимир Путин НАТОнун Чыгыш Европа жана Кара деңиздин катышуусунун күчөшүнүн жана альянстын инфраструктурасынын Оусия Федерациясынын чек араларына жакындашынын фонунда коопсуздук кепилдиктеринин системасын иштеп чыгуу идеясын сунуштаган.

Орусиянын тышкы иштер министри Сергей Лавровдун айтымында, бүгүн Европага аскердик тирешүүнүн «коркунучтуу сценарийи» кайтып келүүдө, андыктан Орусия Федерациясы менен Батыш өлкөлөрүнүн ортосундагы коопсуздук кепилдиги боюнча ар кандай келишимдер юридикалык жактан милдеттүү болуп, бардык мамлекеттердин кызыкчылыктарын эске алуу менен кабыл алынышы керек.

Ошондой эле Москва Украина менен Грузиянын НАТОго кириши Орусия Федерациясы үчүн «кызыл сызык», ал эми кошуна өлкөлөрдүн аскердик плацдармга айланышы таптакыр кабыл алынгыс экенин бир нече жолу билдирген.

Булак: NazarNews.kg