Өзбекстан Республикасынын Президенти Шавкат Мирзиёев Кытайга практикалык сапарынын алкагында 17-октябрда Вьетнам Социалисттик Республикасынын Президенти Во Ван Тхионг менен жолугушту.

Биринчи кезекте эки өлкөнүн ортосундагы соода-экономикалык тармакта өз ара пайдалуу кызматташтыкты кеңейтүү маселелери талкууланды.

Белгилей кетсек, Вьетнам Өзбекстандын Азия-Тынч океан аймагындагы маанилүү салттуу өнөктөшү болуп саналат. Акыркы жылдары өз ара сооданын көлөмү жана биргелешкен ишканалардын саны өсүүдө. Айыл чарба жана балык чарбасы тармагында долбоорлор ишке ашырылууда.

Биздин алдыңкы компаниялар үчүн мунай-газ комплексинде, машина курууда, электротехникада, химияда, текстиль, бут кийим, эмерек, тамак-аш жана башка тармактарда, анын ичинде атайын экономикалык аймактарда жана индустриалдык парктарда кызматташууга мүмкүнчүлүктөр бар экендиги белгиленди.

Ошондой эле Өзбекстан менен Вьетнамдын лидерлери маданият, билим берүү жана туризм тармактарында кызматташуунун маанилүүлүгүн баса белгилешти.

Булак: NazarNews.kg