Самарканд мамлекеттик университетинин Каттакурган филиалынын  залында шыптын бетон плитасы кулап, алты студент кыз жабыркады. Бул тууралуу Өзбекстандын Башкы прокуратурасы билдирет.

Gazeta.uz жазгандай, окуя 4-сентябрда эртең окуу жылынын башталышына арналган иш-чара өтүп жатканда болгон.

Учурда адистер курулуш иштеринин жана имараттын капиталдык ремонтунун сапатын иликтеп жатышат. Райондук прокуратура тергөөгө чейинки териштирүү иштерин жүргүзүүдө.

Белгилей кетсек, имарат 2008-жылы пайдаланууга берилген. Ал башында мектеп болгон. 2021-жылы университеттин филиалы катары өзгөртүлгөн.

Булак: NazarNews.kg