Күндүн активдүүлүгүнүн өсүшүнө байланыштуу жердин тургундарын жаңы магниттик бороондор күтүүдө. Окумуштуулар 6-11, 13-17 жана 23-30-сентябрда геомагниттик талаанын "туруктуу эмес" шарттарын айтышууда.

АКШнын улуттук океанографиялык жана атмосфералык агенттигинин космостук аба ырайын болжолдоо борборунун маалыматына ылайык, 11-сентябрдан 25-сентябрга чейин магниттик бороондордун алсыз же орто өлчөмдөгү чыгышы мүмкүн.

Борбордун маалыматына караганда, 5-сентябрда жерди алсыз магниттик бороон каптаган. Ошол эле учурда геомагниттик талаанын шарттары 1-октябрда да окшош болушу мүмкүн. Окумуштуулардын айтымында, 10-сентябрга чейин күндүн активдүүлүгү төмөнкү деңгээлде сакталат.

Борбордун болжолунда, Күн 26-сентябрдан баштап кайра төмөн активдүүлүккө келет.

Ошол эле учурда алсыз магниттик бороондун ыктымалдыгы дагы эле сакталууда. Бул күн шамалы басаңдап, бирок биздин планетага таасирин улантып жатканы менен түшүндүрүлөт.

"1+1" маалыматы боюнча 6-сентябрда күчтүү магниттик бороон болушу күтүлөт. 10-сентябрда биздин планетаны аз интенсивдүү бир күндүк магниттик бороон каптайт, ушундай эле окуя 13-16-сентябрда болушу күтүлүүдө. 22-сентябрда анча чоң эмес геомагниттик термелүүлөр, 26-сентябрда күчтүү магниттик бороон болору болжолдонууда.

Абдан күчтүү магниттик бороон-чапкындар радиоэлектрониканын жана ар кандай байланыш жабдууларынын иштешинде үзгүлтүккө алып келиши мүмкүн. Бирок Жердин магниттик бузулушунун да сонун натыйжасы бар — авроралар жаркырап, кененирээк болуп калат. Кээ бир учурларда, мисалы, түндүк жарым шардын тургундары бул асман кубулушун Түштүк Европа өлкөлөрүндө да байкай алышат.

Булак: NazarNews.kg