www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жалал-Абад шаарында гана эмес, жалпы областта да аялдар арасында бойдон алдыруулар саны улам барган сайын азайып баратат. Бул тууралуу областтык репрордукция борборунун жетекчиси, төрөт кызматынын координатору Айнура Давлетова билдирди.
Анын айтымында, акыркы жылдары медицина кызматкерлеринин эл арасында жүргүзгөн аракеттери аркылуу област аймагында бойдон алдыруулар саны азайып бара жатат.
-Мисалы, 2015-жылы област аймагында жалпысынан 1936 бойдон алдыруу учуру катталса, кийинки 2016-жылы анын саны 1666 болгон. Анын ичинен, 16-17 жаштагы кыздар арасындагы бойдон алдыруулар саны 2015-жылы 32ни түзсө, 2016-жылы 19ду түздү. Булардын ичинен биринчи жолу бойго бүткөндөрүнүн саны 2015-жылы 23 болсо, 2016-жылы 14 болду, - дейт ал.
Алынган маалыматтарга караганда, областта бойдон алдыруу жагынан алдыда бараткандар 20-24 жаштагылар болуп саналат. Алар арасында бойдон алдыруулар саны 2015-жылы 548 болсо, 2016-жылы 440 болду.
А. Давлетованын айтымында, мында негизинен медиктердин жүргүзгөн түшүндүрүү иштери жана контрацептивдерди пайдалануу боюнча калк арасындагы маалымдуулук роль ойногон. Бирок, Эгер эл аралык донорлор калк арасында контрацептивдерди акысыз таркатууну колдоого алышпаса, абал кыйындап кетиши ыктымал.
Булак: NazarNews.kg
< Предыдущий
Следующий >
Последние новости
