Белгилүү астролог, Жанар Кадыралиев Сыймык Жапыкеев тууралуу айтып берди.

-Сыймык Жапыкеевди түндүк ай түйүнү жана юпитер планетасы колдогону үчүн октябрь айында финансы полициясын жетектеп калды. Анткени, ошол убакта асмандагы планеталардын колдоолору пикке жетип, Жапыкеевдин карьерасында чоң бурулуш болуп, чоң кызматтын бирин аркалады. Эки айдан бери планеталардын колдоосу начарлай  баштады. Ошон үчүн ушак-айыңдарда аты аталып, каралоо башталды. Душмандары канча аракет кылса да, январь, февраль айларында Сыймык Жапыкеев кызматынан кете койбойт. Интрига, бут тосууларга туш болгону менен ишинен алып сала турган маселе жаралбайт. Бирок, июнь айында сак болбосо, ишинен кол жууп калуу коркунучу жаралат. Карьерасына коркунуч жараткан июнь айынан өтүп алса, күз айларына чейин өз иши менен алек болот. Бирок, октябрь, ноябрь айларында анын кызматына көз арткандар кайра жанданып, Сыймык Жапыкеевди кызматтан алуу үчүн уюшулган интрига каралоолор күч  алат. Бирөөлөр менен айтышып, конфиликттүү кырдаалга туш болот. Аны иштен алып салышпаганы менен анын нервине тийгендер тынчыбайт. Тагыраагы, иштен алабыз деген жана түрдүү каралоолор күч алып отуруп, 2022-жылдын февраль айларында дагы пикке жетет. Тагыраагы, ага бут тоскондор, көрө албастардын аракеттери күчөйт. Негизи буга асылгандар бир жыл бою тынчыбайт.  Убакыт өткөн сайын нервине тийген окуялар, интригалар күч алат.

Сыймык Жапыкеев кызматтан түшкөн күндө да акчасы жок калбайт. Тагыраагы, 10 жыл бою  акча жагынан маселе болбойт. Кирешеси кызматы жок отуруп калса да үзүлбөйт. 10 жыл бою кирип жаткан кирешесине эч ким бут тосо албайт. Саясатчылар жана башкалар ар нерсени сүйлөшкөнү менен анын киреше кирген булактарын тосо албайт.

-Сыймык Жапыкеев Башкы прокурорлук кызматты мелжеп жатканы тууралуу кептер бар. Башкы прокурорлук кызматты аркалайбы?

-Негизи Башкы прокурорлукка барышы кыйын. Ыгы келип барып кала турган болсо, ал жерден тез эле кетет. Анткени, планеталар финансы полициясынан жогорку кызматка өткөнүн көрсөткөн жок.

Булак: NazarNews.kg