Бажы билерманын 2021-жылдын 26-октябрында көчөдө жүргөн жеринен жеке менчик сектордон Бажыга Акылбек Жапаров алып келген.  Үч айга жетпеген учурда коррупция менен колго түшкөн Кубанычбеков бажы чыгымдарын 2,5 эсе көтөрөм деп салтанаттуу убадасын берген. Бирок кулкуну куураган Кубанычбековду УКМК колго түшүрдү. Анын кармалышы бийликтин бийик эшалонунда орун талашып, күрөш жүрүп жатканын билдирет.

УКМКнын айтуусунда бажы кызматында масштабдуу  коррупция орун алган.  Бажы кызматы импорт товарлар менен алек болушкан жеке менчик ишканаларды колдоп келген. Бажы кызматынын жетекчиси өзү да жеке менчик ишканаларды башкаргандыктан 70гектар жерди ээлеген «Индустриал Парк «Силк Вэйди»» битр тууганына каттатып койот. 2018-жылы ал кездеги премьер Абылгазиев ачылышында капсула койгон. Кытайлдык инвестор Люенен Адилет Кубанычбеков 2021-жылдын 7-июнунда 20 млн долларга инвестициялык келишим түзүшкөн.

 «Индустриал Парк «Силк Вэй»» кыргыз-кытай чекарасында логтстикалык борборду курууга далалат кылган, бирок жергиликтүү элдин каршылыгы менен токтоп калган.

Кубанычбеков  «Силк Вей Терминал» ЖЧКсынын жетекчиси. Ал кытайдан кедаткан жүктөрдү көзөмөлдөйт. Компания «Силк Вей Терминал» үч ишкананын уюштуруучусу: «Совместное предприятие «Место таможенного оформления «Юг», «Совместное предприятие «Место таможенного оформления «Север», «Совместное предприятие «Таможенная инфраструктура».  Булар бүт 2021 –жылдын 13 августунда каттооодон өткөн.

«Май кармаган бармагын жалай турган» Кубанычбеков Адилет бармагын жаламак түгүл майды кошо шыпкап ичип койот. «Биттен ичеги чубап, бүргөдөн жүн кырккан» бул чириген байды Бажыга алып баруунун кандай сырлары бар? «Амин Инвест», «Индустриал Парк «Силк Вэй» деген ишканалары менен кыргыз элин талап тоногон мындай көпөстөрдүн орду Бажыны башкаруу эмес же быжыны жеш эмес, мунун орду башка жакта болчу. Бирок, Минкабдын жаңы жетекчиси Акылбек Жапаровдун колдоосу менен  2021-жылдын 26-октябрында бажыга башчы болуп барган. Аны бүгүн  Бажыга барып отургузам деп желдей сызып Жапаров жүрөт. Үч ай өтө элек жатып коррупация менген колго түшүп акактап отурат.

 Октябрь төңкөрүшүнөн кийин депутат Азамат Арапбаевдин аталаш бир тууганы Кадыржан Семетеев бажы кызматына төрага болуп дайындалган. Андан бери көп убакыт өтсө да, аталган системадан өзгөрүүнү, алдыга жылууну көрө албай жатабыз. Баягы эле Кубанычбек Кулматов түзүп кеткен эски «шарашкина контора» иштеп жатат. Кадыржан Семетеевдин реформаторлук шыгы, жаңыланууга карай демилгеси байкалбайт. Мындай түрү менен мамлекетти уят кылып койбойбу?

А баса, жакын тууганы Азамат Арапбаев өткөн президенттик шайлоодо Ош шаары боюнча Садыр Жапаровдун штабын башкарып, үзүлө түшүп кызмат кылганына караганда, булардын кланы эч нерсени тоготкон эмес. Эми Марипов кетер менен Акылбек Жапаров өз кишисин Бажыга алып келип ынтыга тойойун деп жатты эле, УКМК анын кишисин кылтакка илди.

Азизбек КЕЛДИБЕКОВ, NazarNews.kg