"Мыйзамдан улуу дагы бир - АДАМГЕРЧИЛИК деген көкүрөк мыйзамы бар. Мелис Аспеков досубуздун атасын акыркы сапарга алып бара жатабыз. Мелис, мурунку бийликтин саясий куугунтугун жеп камакта болчу. Тийиштүү органдар Мелисти атасы менен коштошуп алууга уруксат берип, 8 саатка бошотуптур, ал атасына топурак салганы келди. Өткөн жылы камактагы Садыр Жапаровду атасы менен коштошуп алууга бийлик уруксат бербей койгон болчу",  деп пикирин билдирди журналист Дайырбек Орунбеков.

Эске сала кетсек, Мелис Аспековдун атасы кечээ, 23-майда 80 жашында дүйнөдөн каткан. 2017-жылдын октябрь айында президенттик шайлоого бир апта калганда жарандык активист Мелис Аспековду камакка алышкан. 

Булак: NazarNews.kg