Жогорку Кеңеш айыл чарба, тамак-аш өнөр жайы жана мелиорация министри кызматына Тилек Токтогазиевдин талапкерлигин жактырып, тиешелүү токтом кабыл алынды.

Анын талапкерлигин кароо учурунда кээ бир эл өкүлдөрү буга чейин мамлекеттик кызматта иштебегенин сынга алышты. Бирок башкалары анын менеджерлик сапатын белгилеп, жаштыгына жана дилгирлигине маани беришти.

Ошондой эле Токтогазиев суроолорго жооп берип жатып аны министрлик кызматка премьер-министр Садыр Жапаров өзү чакырганын айтты.

Натыйжада анын талапкерлигин депутаттардын баары бир добуштан колдоп беришти.

Булак: NazarNews.kg