НАТОнун баш катчысы Йенс Столтенбергдин Украинадагы кризисти да, Кытайдын таасирин дагы эске алуу менен жаңы стратегиялык концепция тууралуу билдирүүлөрүнөн кийин, АКШнын альянсты өз максаттары үчүн гана колдонууга умтулуусу ачыкка чыкты. Бул тууралуу Global Times жазды.

Кытай басылмасы бул стратегия дайыма эле натыйжа бербесе да, Вашингтон өзүнүн атаандаштарынын кайсынысын болбосун бүткүл блоктун жалпы душманына айлантууга аракет кылып жатканын белгиледи.

«НАТО терең бөлүндү. Сырттан душмандарды жасоо биримдиктин убактылуу элесин гана жаратат жана анын мүчөлөрүнүн ортосундагы пикир келишпестиктерди жок кыла албайт. Мисалы, АКШ, Улуу Британия жана Австралиянын ортосундагы AUKUS келишими жана кээ бир жана стратегиялык сунуштар европалык мамлекеттерди АКШнын Куралдуу Күчтөрүнө ишенбөөчүлүк кылды», - деди Пекинден аскерий эксперт Вэй Дунгсу.

Материалдын авторунун айтымында, азыркы украин кризисин да АКШ менен Түндүк Атлантикалык альянстын мындай абийирсиз жүрүм-турумунун жаркын мисалы катары кароого болот, анткени анын башаты НАТОнун аракеттеринде.

«1990-жылдардын башында АКШ НАТОну чыгышты көздөй бир дюйм да жылдырбайт деп убада кылган. Бирок, Украина кризисинин башталышы катары АКШ баштаган НАТО 1999-жылдан бери чыгышты көздөй беш эсе кеңейди. Орусия менен Украинанын ортосунда уланып жаткан чыр-чатактар ​​үчүн», - деп жыйынтыктайт Global Times.

Белгилей кетсек, буга чейин Кытайдын БУУдагы өкүлү Чжан Цзюнь АКШ, НАТО жана Евробиримдикти аймактык коопсуздуктун тең салмактуу механизмин иштеп чыгуу жана көйгөйлөрдү чечүү жолдорун табуу үчүн коопсуздук маселелери боюнча Орусия менен ар тараптуу диалогго барууга чакырган.

Бул учурда НАТО орус армиясы Украинада жаңы чабуулдарга даярданып жатканын билдирген. «Аскерлердин Киев облусунан чыгышы бул чегинүү эмес, жоокерлерди бир жерге топтоо аракети. НАТОнун маалыматы боюнча, Орусия Донбассты толугу менен өз көзөмөлүнө алып, аннексияланган Крымга кургактыктан коридор ачууну көздөп жатат», - деген уюмдун башкы катчысы Йенс Столтенберг.

Марттын аягында Москва Украинанын түндүк аймактарындагы аскерлеринин санын кыйла азайтып, негизги күчтү Донецк жана Луганск облустарын толук көзөмөлгө алууга жумшай турганын билдирген.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg