Бүгүн, 25-июнда Ак үйдүн алдында сөз эркиндигин жана интернетти чектөөгө каршы пикет өтүп жатат. Бул иш-чараны уюштуруу демилгеси акыркы күндөрү социалдык тармактарда көтөрүлүп, жарандык активисттер, укук коргоочулар жана катардагы жарандар бүгүн чогулууну чечишкен.

Алардын айтымында, эгер парламентте талкууланып жаткан "Маалыматты манипуляциялоо жөнүндө"  мыйзам кабыл алынса, интернетте өз пикирин ачык айтып чыккан адам экстремист деп таанылып, ага чара көрүлүшү ыктымал экенин белгилешти.
Иш-чарага, элүүдөн ашуун адам катышууда. 

Ал эми пикетке милиция кызматкерлери көз салууда.

Булак: NazarNews.kg