www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кара-Кулжа районунда мал уурулук кылган адамдардын тобу кармалды. Бул тууралуу ОШ ОИИБдин басма сөз кызматы билдирди.
Маалыматка ылайык, милицияга 2021-жылдын 6-мартында Кара-Кулжа районунун Кара-Кочкор айылынын 58 жаштагы тургуну Т.А. арыз менен кайрылып, 5-мартта 6 жашар бээсин талаадан уурдатканын билдирген.
Арыз Кара-Кулжа РИИБ тарабынан Кылмыштардын жана жоруктардын бирдиктүү реестрине катталып, тергөөнүн жүрүшүндө мал уурулук фактысы боюнча бир нече жолу кылмыш жоопкерчилигине тартылган Кара-Кулжа районунун Чалма айыл аймагына караштуу Токбай-Талаа айылынын 30 жаштагы тургуну Ж.у.Э. шектүү катары кармалып, Кара-Кулжа райондук ички иштер бөлүмүнүн убактылуу кармоочу жайына киргизилген.
Сурак учурунда Кара-Кулжа районунун Ылай-Талаа айыл аймагынын Сай айылынан дагы 1 баш жылкы уурдаганы маалым болгон. Бул факт Кара-Кулжа РИИБ тарабынан Кылмыштардын жана жоруктардын бирдиктүү реестрине катталып, жогорудагы кылмыштарды өзү жалгыз эмес, өзүнүн шериктеши — Өзгөн районунун Куршаб айылынын 27 жаштагы тургуну Т.к.А. (аял киши) менен бирге жасагандыгы ачыкка чыккан.
Шектүү Т.к.А. Өзгөн райондук ички иштер бөлүмүнүн убактылуу кармоочу жайына киргизилип, тергөө амалдары уланып жатат.
Булак: NazarNews.kg
< Предыдущий
Следующий >
Последние новости
