28-майда өтө турган №26 Ленин бир мандаттуу шайлоо округунан талапкер тандоого санаалуу күн калды. Кимдин багы чуркап, жылдызы жанат азырынча айтуу кыйын. Эки күндөн соң үгүт иштери токтойт. Учурда баары эле жыргатабыз деп жатышат.

Бүгүнкү күндө Жогорку Кеңештин депутатын мөөнөтүнөн мурда шайлоого бюллетендер даярдалып бүттү. Бул тууралуу БШКнын маалымат бөлүмү маалымдады.

Учурда 124 миң 810 шайлоо бюллетени даярдалды. Анын ичинен кыргыз тилинде 62 миң 405 бюллетень жана орус тилинде 62 миң 405 бюллетень, 51 бюллетень брайль арибинде басылып чыккан.

Белгилей кетсек, шайлоо бюллетендери жогорку деңгээлде корголгон. Алардын сырты автоматтык эсептөөчү урналар окуй алгыдай боёктор менен боелгон.

Булак: NazarNews.kg