Жума күнү, 4-сентябрда, күндүз өлкөнүн тоолуу райондорунда өткүн өтүп, күн күркүрөп, бийик тоолуу жерлерине кар түшөт. Ал эми дыйканчылык аймактарда жаан-чачын күтүлбөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Термометрдин көрсөткүчү Чүй өрөөнүндө +25…+30, Таласта +23…+28, Ош, Баткен жана Жалал-Абад облустарында +27…+32, Ысык-Көлдө +18...+23, Нарын аймагында +19…+24 градуска жетет.

Күндүн табы борборубуз Бишкекте +28...+30, Ошто +30...+32 градуска көтөрүлөт.

Булак: NazarNews.kg