Борбордук Азиядагы Америка Университетинин (БААУ) президенти Эндрю Качинс кош бойлуу кызматкерине университет тууралуу терс сүрөттөрү үчүн катуу кыйкырган. Бул тууралуу интернет колдонуучу Самира Алтынбекова социалдык тармактагы баракчасында жарыялады. Анын айтымында, «университеттин башчысы PR бөлүмүнүн кызматкерлери эмне үчүн отчетто терс жаңылыктарды сактап калышкандыгына, аларды маанилүү жолугушууда билдиришкенине кызыккан. Ал кош бойлуу Алинанын телефонун тартып алып, ага кыйкырган. Кызматкери болсо муну мындай мүнөздөгү жаңылыктарды отчётто сактоо алардын милдети деп түшүндүргөн. Мындай жаңжалдан кийин кош бойлуу кызматкер айым кансырап, ооруканага түшкөн. Аялдын күйөөсү арыз менен администрацияга кайрылган», – дейт Алтынбекова.

Ошол эле учурда Эндрю Качинс мунун артында кимдир бирөө турат жана бул атайын жасалган иш деп эсептеп жатат. Эгерде ал бардык жерде душмандардын интригаларын көрүп турса, анын башында эмне бар? Биз БААУнун администрациясы менен байланышууга аракет кылдык. Бирок, бул аракеттерден майнап чыккан жок: расмий сайтында көрсөтүлгөн басма сөз кызматынын жана президенттик аппараттын бардык номерлери жооп берген жок.

Биз айтылуу феминисттерибизден жана укук коргоочулардан эмне үчүн аялдардын укугун ушунчалык ынтызарлык менен жактап келишип, бул жолу алар эмнеге балыктай унчукпай жатышканын билүүгө аракет кылдык.

Алардын жооптору дагы таң калыштуу болду: алардын бардыгы бул иш жөнүндө билишпейт экен. Билбейби же билүүнү каалашпайбы? Бул окуя тууралуу бир нече ММКлар жазып чыгышты. Бирок, алар гана бул жөнүндө эч нерсе уга элек. Башкача айтканда, аялдардын укуктары тебеленип, бузулуп жаткандыгы жөнүндө булар тандап угушат экен да? Митингдерди жана жүрүштөрдү кимдир-бирөөлөрдүн буйругу жана жеке кызыкчылыктары үчүн гана уюштурушат экен да?

Рита Карасартова Ысык-Көлдө экенин жана аталган окуя жөнүндө эч нерсе билбесин айтып, бул окуя тууралуу эч нерсе айтпады. А чындыгында аялдардын укугу боюнча окуя буга чейин аны эч нерсе токтото алган эмес. Ал ар дайым аялдардын укугу жөнүндө катуу кыйкырып жүрөт. Же ал чет өлкөлүк достору бузган аялдардын укугун коргоп, талап кыла албайбы? Клара Сооронкулова дагы эч нерсе билбестигин айтты. Кийинчерээк ал жаңылыктар менен таанышып, жооп берем деп убада берип, акыры телефонун өчүрүп салды. Биздин жалындуу, таанымал феминист Алтын Капалова дагы эч нерсе билбестигин айтты. Улан Үсөйүн дагы бул иш боюнча эч нерсе билбейм жана «Вечеркага» ишенбейм деп, жооп бере албасын айтты. Ал кимге же эмнеге ишенет? Жашыл акчагабы? Ал ар дайым зордук-зомбулукка жана мыйзамсыздыкка каршы эмес беле?!

Көрсө, бул жерде кош стандарттар камтылган экен да? Бишкек феминисттик уюму дагы үн катпайт. Алардын расмий баракчасында көрсөтүлгөн телефон аркылуу байланышуу мүмкүн эмес. Ал иштебейт экен. Демек, достор менен душмандардын бир эле жүрүм-туруму бизде ар кандай реакцияларды жаратат экен да? Башкача айтканда, жеке кызыкчылык жөнүндө маселе пайда болгондо, биздин феминисттер жана укук коргоочулар ошол жерде даяр болот. Эгер иш алар үчүн кызыктуу болбосо же тийишбеш керек болгон адам аралашса, анда ал каалаганын жасай берсинби? Үрөй учурган кош стандарт (Horribledouble standard). Элдин көзүнчө алардын баары сүйкүмдүү, ал эми көөдөнүндө толтура тезек, - деп жазат koom.press сайты.

Ага кошумча журналист Назгүл Калмамбетова: - Эки күндөн бери АУЦАнын президенти ошол жакта иштеген кош бойлуу Алинага ызырынып, кыйкырганы тууралуу маалымат тарап жатат. Алина жетекчисинин кыйкырганынан улам кан кетип ооруканага жатып калыптыр. Ал эми буга чейин аялдардын укугун коргоп келген уюмдар бул тууралуу билбейбиз деп унчукпаганы кызык экен. Же аялдардын укугу демиш болуп митингге чыккандар атайын көз жаздымда калтырып жатышабы? Бул жерде Алинанын укугу бузулганын күйөөсү да айтып, арызданыптыр. Эми буга кандай чара көрүлөт же АУЦАнын президентинен коркуп, унчукпай калышабы? Көрөлүчү... - деген пикирин жазып чыкты.

Булак: NazarNews.kg