Кошмо Штаттар континент аралык баллистикалык Minuteman III ракетасын ийгиликтүү сыноодон өткөрдү. Ал Калифорниядагы Ванденберг базасынан коё берилди. АКШ мындай жол менен өзөктүк мүмкүнчүлүгүн көрсөткүсү келип жатканын ишара кылды.

Ракетаны коё берүү – Түндүк Кореяда абал курчуган учурга туш келди. Пхеньян апрелде жаңы ядролук сыноолорун өткөрүүгө даярдык көрүүнү күчөткөн. Буга жооп иретинде АКШ аскерий кемелеринин тобун Корей жарым аралы тарапка жөнөткөнүн билдирген.

Ошол эле маалда Вашингтон бул жолку сыноолор Түндүк Кореядагы окуяларга тиешеси жоктугун, бир жыл мурун эле даярдык көрүлгөнүн билдирди.

Жыл соңуна чейин АКШ Түштүк Кореяга ракетадан коргонуу систамасын жайгаштырат.

Булак: "centralasian.org"