Америка Кошмо Штаттары Кытай менен болгон мамилесин жана анын ичинде соода жүгүртүмүн кайра карап жатат. Бул тууралуу АКШнын президентинин өкүлү Жен Псаки билдирди.

«Улуттук Коопсуздук тобу, Президент Джо Байден жана жаңы дайындалган Мамлекеттик катчы (Энтони Блинкен) биздин улуттук коопсуздукка болгон мамилебиздин бардык темаларын, анын ичинде КЭР менен болгон мамилебизди карап жатышат. Биз ушул маселени чечүүгө багыт алдык. Бул биздин союздаштар жана өнөктөштөр менен координациялоодогу күчтүү позициядан кабар билдирет», - деди Псаки.

Ал ошондой эле, азыркы администрация КНР менен болгон соода келишимдери күчүндө деп эсептейби деген суроого жооп берүүдөн баш тартты.

«Баары кайрадан каралып жатат» деди Псаки.

Булак: NazarNews.kg