Ири суммадагы алдамчылык кылган деп шек саналып камалган “Мегакомдун” мурдагы жетекчиси Акылбек Жамангуловдун бөгөт чарасы өзгөртүлүп, ал үй камагына чыкты. Аны Бишкек шаардык сотунун басма сөз кызматы тастыктады.

Маалыматка ылайык, Жамангуловдун бөгөт чарасын 20-июнда Октябрь райондук соту караган.

Эске салсак, Акылбек Жамангулов 12-мартта кармакка алынган. Ал өзгөчө ири өлчөмдө алдамчылыктан шектелүүдө.

Жамангулов Жогорку Кеңештин мурдагы депутаты, 2018-жылдын октябрь айында «Мегаком» бренди менен белгилүү «Альфа Телеком» ишканасына жетекчи болуп дайындалган.

Булак: NazarNews.kg