Сербиянын Белград шаарында өтүп жаткан күрөш боюнча Дүйнө чемпиондугуна 77 килограмм салмакта катышкан кыргыз балбаны Акжол Махмудов чейрек финалга чыкты.

Акжол Махмудов 1/8 финалда египеттик балбан менен кез келип, кыргыз балбаны атаандашынын артына өтүп, көтөрүп чаап, 4 упай алды.

Ал эми экинчи бөлүк башталаары менен Акжол Махмудов атаандашынын артына кайра түп, эсеп санын 9:0гө айлантты.

Муну менен Акжол Махмудов Дүйнө чемпиондугунун 1/4 финалына чыкты.

Эске салсак, Акжол Махмудов алгачкы жүрүшүн 1/16 финалда баштап, анда норвегиялык Пьер Андерс Куре аттуу балбан менен кез келген. Биринчи бөлүктө норвегиялык балбан 2 упай алган.

Кийинки бөлүктө Акжол Махмудов атаандашынын далысын жерге таза басып, дароо эле 4 упайга ээ болгон.

Булак: NazarNews.kg