Ала-Тоо аянтында өткөн концертти эл өзү уюштурган. Бул тууралуу президенттикке талапкер Садыр Жапаровдун ыйгарым укуктуу өкүлү Александр Мощин Vesti.kg сайтына билдирген.

«Эл концерт үчүн акча чогултту. Штаб Бишкек мэриясынан концертти өткөрүүгө уруксат сурап, макулдугун алды. Концерт Садыр Жапаровду жеңиши менен куттуктагысы келген анын тарапташтарынын жеке каражаттарынан төлөндү. Башкача айтканда, майрамды эл өзү демилгеледи», - деген ал.

Эске салсак, кечээ Бишкек шаарынын башкы аянтында президенттикке талапкер Садыр Жапаровдун жеңишинин урматына концерт болуп өттү.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg