Бишкектеги «Альфа-секьюрити» күзөт агенттигинин кампасынан 10 даана “Макаров” тапанчасы жана 9 даана “Сайга” үлгүсүндөгү карабин мылтыктар уурдалды. Шаардык ички иштер башкармалыгынынан билдиришинче, бул тууралуу маалымат милицияга 27-апрелге караган түнү түшкөн. Ыкчам-тергөө тобу окуя орун алган агенттиктин кампасына барганда куралдардын жоголгону жана аны алгандар терезе аркылуу киргени аныкталган. Учурда курал-жарактарды кымырып кеткендерге издөө жарыяланып, иликтөө уланууда. Күзөт агенттиги өзү уурулардан тонолуп жатса, башкаларды кантип коргойт ыя? Булардын иш репутациясына чоң сокку болду го…