Белгилүү активист Алимбек Курманалиев Кытайдын төрагасы Си Цзиньпиндин “Манас” эпосуна жогорку деңгээлдеги кызыгуусу тууралуу NazarNews маалымат агенттигине комментарий берди. Анын айтымында, Кытайдын тарыхында көп сандаган хан болгондуктан, алар Манасты такыр эстебей деле койсо болмок, бирок алар эң жогорку деңгээлде көңүл буруп жатат, мунун баары жөн жерден эмес.

«Коркунуч адамзаттан келет, анткени ал кайра жаралат. Батыш коомунун өнүгүшүнүн жүрүшү салттуу адамзат коомунун кайра жаралышын бүткүл дүйнөгө ынандыраарлык менен дадилдеп жатат. Кытай байыркы адамзат коомунун бешиги катары салттуу адамзат коомун коргоодо бекем турат. Экинчиден, кытайлар Манас жөнүндө бир нерселерди билет жана, албетте, бул сырды кылдаттык менен жашырат, болбосо эпоско мынчалык көңүл буруштун эмне кереги бар эле?

Эске салсак, 13-июлда Кытайдын лидери Си Цзиньпин Синьцзян-Уйгур автономиялык районунун (Түндүк-Батыш Кытай) музейинде кыргыз улуттук азчылыгынын “Манас” эпосунун негизинде коюлган театр оюнун көргөн. Андан кийин Си-мырза Кытай цивилизациясы өзүнүн чексиз бай жана терең мазмуну менен ар түрдүү этникалык топтордун эң мыкты маданий салттарынын айкалышынын натыйжасы экендигин айткан.

Булак: NazarNews.kg