Алмазбек Атамбаев жакында Кыргызстандан чыгып кетеби?

Журналист: NAZARNEWS

30.03.2021, 0:06

25663

саясат

Мурдагы президент Алмазбек Атамбаевди Бишкек шаардык соту 12-мартта камактагы бөгөт чарасын өзгөртүү боюнча актоочу тараптын өтүнүчүн карап чыгып, үй камагына чыгаруу боюнча арызы канааттандырылбай 7-апрелге чейин камакта калтырылган.

Жактоочунун маалыматына караганда Алмазбек Атамбаевдин ден соолугуна байланыштуу үй камагына чыгаруу зарыл.

Ушул тапта тар чөйрөдө Атамбаевдин чет өлкөгө чыгып кетүүсү айтылууда. “Атамбаев жакынкы аралыкта үй камагына чыгып, Москвага ден соолугуна байланыштуу учуп кетет. Тийиштүү документтер даярдалып жатат, - дейт ишенимдүү булак.

Эске сала кетсек, райондук соттун чечими менен Атамбаев Батукаевдин иши боюнча күнөөлүү деп табылган. Өзүн жана жакындарын мүлкүнөн ажыратуу менен 11 жыл эки айга кесилген.

Андан тышкары мурдагы президентке карата Кой-Таш окуялары жана башка коррупциялык иштерге байланыштуу кылмыш иши козголуп камакка алынган.

Булак: NazarNews.kg