Кыргыз Республикасынын Жогорку Кеңешинин «Бир Бол» парламенттик фракциясынын лидери Алтынбек Сулайманов өзүнүн Фейсбуктагы баракчасына акча алмаштыруучу жайларды жабууга каршымын деген пикирин айтып чыкты.

"Бул Мыйзам долбоорун мен колдобойм. Биринчиден, элге ыңгайсыздык жаралып, банктарга кезек күтүү көбөйөт. Экинчиден, туристтерге ыңгайсыз. Үчүнчүдөн, бул кадам акча алмаштыруучу жайларда иштеп, өз арабасын өзү тартып жүргөн жарандарыбыздын нанын тартып алганга барабар болот. Коомдук талкууга чыккан Мыйзам долбооруна үн кошуңуз", - деп төмөндөгү видео-тасманы жүктөгөн.

Булак: NazarNews.kg