Аскар Акаевдин келиши бир деңгээлде Москва менен макулдашуу болгонун күбөлөйт. Мындай пикирди Борбор Азия боюнча эксперт Аркадий Дубнов билдирди. 

--"Азыр Орусия менен Кыргызстандын ортосундагы мамиле кандай? деген суроо жаралат. Өзгөчө эч нерсе жок, мурунку мезгилдерге салыштырмалуу көңүл бурууга арзый турган укмуштуу же таасирдүү нерселерди мен белгилегим келбейт.

Кыргызстандын алтынчы президенти Москвага барып келди, аны карап, угушту. Ал өзүн токтоо алып жүрдү. Себеби, анын тамырын тартып жатканын түшүндү.

Ал бир жума мурун убадасын аткаруу үчүн кичинекей сыноодон өттү. Биринчи президент Аскар Акаевди чакырып, анын коопсуздугуна кепилдик берди жана аткарды. Аскар Акаев мурдагы күнү Москвага кайтты.

Мунун өзү кайсы бир деңгээлде Москва менен макулдашуу болгонун күбөлөйт. Орус бийлиги буга канааттанбай калышы мүмкүн эмес эле", - дейт эксперт. 

Булак: NazarNews.kg