Жол кырсыгына кабылып, ооруканада жаткан Асел Кадырбекова сакайып ооруканадан үйүнө чыгарылды. Бул тууралуу NazarNews маалымат агенттигине Бишкектеги Травматология жана ортопедия илим изилдөө борборунун директору, академик Сабырбек Жумабеков билдирди.

Маалыматка ылайык, Асел өз үйүндө. Жакшы болуп, өзү басып жүрө алат, өз алдынча тамак ичип калган. Азыр ага жолдошу, ата-энеси, жакындары кам көрүшүп, моралдык колдоо көрсөтүшүүдө. Ырчынын ден соолугу жакшы, бирок толук калыбына келе элек. 

Эске салсак, 26-июнда ырчы Асел Кадырбекова жол кырсыгына кабылып, оор абалда ооруканага жаткырылган. Анын акырегине операция жасалып, ал ийгиликтүү өткөн.  

Булак: NazarNews.kg