Тажикстандын аскер бөлүктөрүнүн биринде кызмат өтөп жаткан жоокер аскер кызматынан бошош үчүн 17 майда таш жутуп алган. Бул тууралуу өлкөнүн жергиликтүү басылмалары жазып чыгышты.

Маалыматка ылайык, жоокер 2019-жылы ноябрда аскер кызматына чакыртылган. Келгенден бир ай өткөндөн кийин ал 7 даана майда таш жутуп, Тажикстандын Коргоо министрлигинин борбордук аскер госпиталынын хирургиялык бөлүмүнө жаткырылган. Ооруканада жаткан убакта дагы 10 даана таш жутуп алган.

Натыйжада, ал Тажикстандын кылмыш-жаза кодексинин 376-беренесинин 2-бөлүгү (өзүнө өзү кол салуу жолу менен аскер кызматын өтөөдөн баш тартуу) менен күнөөлүү деп табылды.

6-июлда шаардык гарнизондук аскер соту аны эки жылга эркинен ажыратуу өкүмүн чыгарды.

Булак: NazarNews.kg