Алмазбек Атамбаевди экс - президент статусунан ажыратууну демилгелеп, катка кол койгон депутаттардын тизмеси интернетке чыкты. Жогорку Кеңештин төрагасына жазылган катта депутаттар Атамбаев президент болуп турган жылдары өтө оор кылмыштарга барганы айтылат жана 9 пункттан турган доомат коюлган.

Кызыгы, Атамбаевди кол тийбестиктен ажыратууну демилгелешкен Турускулов, Иманалиев, Мамытов, Эгембердиев, Рыспаев, Исаеев, Райымкулов сыяктуу депутаттар комиссиянын курамына кирип алышкан. Ушунун өзү кызыкчылык болгонун, мыйзамга каршы иш жасалганын билдирип турат, деп коомчулукка пикирин жазган "Фабула" гезити.

Булак: NazarNews.kg