Мурдунан аккан суусун аарчый албай Орусия империясынын курамында көп жылдар түн күзөтүп турган Финляндия Орусия менен Украинакармаша баштагандан орустар дагы басып алып абийирибизди кетинбесин деп НАТОго кирүүгө жан талаша баштаган. Польшанын премьер-министри Матеуш Моравецки Twitter баракчасына Финляндия расмий түрдө НАТОго мүчө болгонун жазды. Ал өлкөнү альянстын 31-мүчөсү болушу менен куттуктады: «Учурда альянста 31 мамлекет бар. Күчтүү өнөктөштөр Польшанын, аймактын жана бүткүл дүйнөнүн коопсуздугунун кепилдиги», - деди Моравецки. НАТОнун баш катчысы Йенс Столтенберг Финляндия 4-апрелден тарта альянска кошуларын ырастаган. Финляндия Швеция менен бирге 2022-жылдын май айында НАТОго кирүүгө арыз берген. Түркия алардын альянска кошулуусуна каршы болгон, бирок 1-апрелде президент Режеп Тайып Эрдоган Финляндиянын арызын ратификациялоону жактырган. Швециянын НАТОго кирүүсү Стокгольмдо өткөн Курандын көчүрмөсүн өрттөп жиберүү кампаниясынан кийин татаалдашкан.

«Ак мышыкпы, кара мышыкпы бары бир мышык, Столтенбергби же Жонсонбу бары бир НАТО

НАТОнун Башкы катчысы норвегиялык Йенс Столтенберг жакында кызматынан кетет. СССР тирүү кезинде НАТО он алты мамлекетти бириктирген. СССР 1955-1991-жылдары НАТОго каршы Варшава келишиминде ушуга чукул мамлекет болгон. 1990-жылы Берлин дубалы урап социалисттик мамлекеттер СССРден жүз буруп, бул согуштук блок жок болгон. Ал эми 1991-жылы СССР тараган соң, бүгүнкү күнгө чейин НАТОнун саны отузга жетти. Эми да НАТО Чыгышты көздөй жылып Украина, Грузия, Молдованы кошуп алгысы келет, буга албетте, Орусия каршы турат. Британиянын кызматтан кетип жаткан премьер-министри Борис Жонсон келерки сентябрда азыркы баш катчы Йенс Столтенберг кызматтан кеткенде НАТОнун лидери болуп калышы мүмкүн.

Басылманын маалыматына караганда, жогорку кызматтагы торилер НАТОнун кийинки баш катчысынын кызматына Борис Жонсондун талапкерлигин колдошот. Жонсонго чейин бул кызматка Улуу Британиянын коргоо министри Бен Уоллес, ошондой эле Британиянын мурдагы премьер-министрлери Тереза ​​Мэй жана Дэвид Кэмерон талапкер катары эсептелген, деп жазат гезит.

Басылманын маалыматына караганда, Евробиримдиктин жаңы армиясын түзүү боюнча АКШнын пландарын байма-бай жарыялаган европалык саясатчылардын ишенбестигинен улам НАТОнун баш катчысынын кызматына Британиянын өкүлү көптөн бери сунушталып келген.

2019-жылы Тереза ​​Мэйдин ордуна премьер-министр болгон Жонсон 7-июлда премьер-министр жана Улуу Британиянын консервативдик партиясынын лидери кызматынан кетерин жарыялаган. Ал министрлер кабинетинин жаңы жетекчиси дайындалмайынча ишин улантат. Британ кабинетиндеги бир катар отставкалар Борис Джонсондун өкмөтүндөгү эки негизги министрдин – каржы министри Риши Сунактын жана саламаттыкты сактоо министри Сажид Жавиддин кызматтан кетиши менен башталды.

Орусия эмнеге НАТОну чоочутуп жатат? Акыркы жылдары НАТОнун кеңейүүсүнө итиркейи келип турган Орусия дүйнөдөгү эң чоң өлкө. Аянты 17 098 242 чарчы километр жана 11 убакыт зонасына созулат. Орусия АКШ жана Кытайдан эки эсе, Индиядан беш эсе, Британиядан 70 эсе чоң. Бирок элинин саны Кытай, Индия, АКШ, Пакистан, Нигериядан аз. Орусиянын 75% жери Азиядан орун алганы менен бул жакта жарандардын 22% гана жашайт. Москва НАТОдон Украинага жана башка мурдагы советтик өлкөлөрдү уюмга мүчө кылуудан баш тартууну жана Чыгыш Европага аскер күчтөрүн жайгаштырууну токтотууну талап кылып келет.

Азизбек КЕЛДИБЕКОВ, NazarNews.kg