Эгер митинг өткөрө турган болсок, анда атайын бөлүнгөн жерде жана Горькийдин эстелигинде өткөрө турган учур келди. Бул тууралуу белгилүү саясат таануучу Бакыт Бакетаев NazarNews маалымат агенттигине берген маегинде мэриянын көчө акцияларын өткөрүүгө тыюу салууну 1-декабрга чейин узартуусуна комментарий берип жатып билдирди. Маектештин айтымында, азыркы бийлик интернетте отургандыктан, көйгөйлөрдү интернетте айтса болот.

«Мен 2005, 2010, 2020-жылдардагы митингдердин активдүү катышуучусумун, бардык түрдөгү митингдерге үзгүлтүксүз барып турам. Мен Вашингтондогу, Париждеги, Москвадагы митингдердин да катышуучусу болдум. Мен бардык митингдерде бир нерсени байкадым. Чындап эле саясатты түшүнгөн адамдар бар жана ошону менен катар жөн эле ашынган адамдар жана бейбаштыктын элементтери бар. Алардын башка милдеттери бар, саясий талаптарды да билишпейт, укпайт да. Айрыкча Кыргызстанда мындай жолдошторду кезиктирүүгө болот. Болгону ызы-чуу салып, кыйкырып, таш ыргытып, андан ары эмне болот, бийликке ким, эмнеге келет, ийгиликке жетеби же жокпу, аны билишпейт? Митингдин бул уюштуруучулары ар бир жолу тобокелчиликке барышат, ошон үчүн митинг өткөрүү үчүн атайын бөлүнгөн жерлерди коюшат, бизде Бишкекте Максим Горькийдин эстелигинин жанында аянт бар.

Мен өзүм АКШ элчилигинин жана Казакстандын элчилигинин жанында митингдерди уюштурдум, бирок акыркы убакта Горькийдин эстелигинин жанындагы сейил бакта митингдерди уюштуруу туура болуп калды жана ал жерде ар кандай көйгөйлөрүбүздү сүйлөштүк. Учурда бул биздин Акаевдин доорунан берки бешинчи республикабыз. Азыр биздин оппозиция лидерлери да митингдерде баары таш ыргытып, дүкөндөрдү уурдоого жана башкаларга каршы. Азыр кырдаал өзгөрүп, баардык көйгөйлөр интернетте талкууланып жатат. Блогерлер, бизде азыр расмий парламенттик оппозиция. Алар бардык көйгөйлөрдү айтышат, андыктан митингдерге чыгуу жана бир нерсе жөнүндө сүйлөшүү интернеттеги нерселерди эле кайталоо болуп калат. Президент башында турган жаңы өкмөт да тынымсыз интернетте отурат. Эл тынчсызданбай эле койсо болот. Себеби, бийлик баарын окуйт, көрөт, угат. Менимче, азыр митингге чыга турган болсок, анда аянтка жана Горькийдин эстелигине атайын бөлүнгөн жерге баруу керек. Биз ушуга өтүшүбүз керек, антпесе “революциянын башталышы бар, аягы жок” дегендей. Учурда бийлик жакшы иштеп жатат, экономиканы өзүңүздөр карап көрүңүздөр, сандар өзү айтып турат. Баардык каржы агымдары боюнча эксперттердин бири Акылбек Жапаров бүткүл дүйнөдө айлык акы төмөндөп турганда айлыкты көтөрдү. Азыр митинг уюштуруп, кайра Ак үйдү алгысы келген зордукчул жетекчилердин баары дээрлик жок болуп кетишти. Азыр бизде андайлар жок. Ал эми мындай кылгысы келгендер бар, бирок алар азыр бул бизнес иштебей турганын түшүнбөй жатышат. Мен сиздерди бардык көйгөйлөрдү интенетте активдүү айтууга чакырат элем”, - дейт саясат таануучу Бакыт Бакетаев.

Булак: NazarNews.kg