Батукаев Грецияда «мыйзамдагы уурулардын» чогулушуна катышканы айтылууда
Коом  |   |  2352

Кримавторитет Азиз Батукаев Грецияда «мыйзамдагы уурулардын» чогулушуна катышты. Бул тууралуу «ВЧК-ОГПУ» Telegram каналы билдирди.

Ал жактагы маалыматка караганда, чогулуштун себеби — Ахмед Шалинскийди «мыйзамдагы уурулардын» катарынан чыгаруу болду. Шалинский ортодогу эсептен 150 млн рубль уурдоого айыпталган.

«Мыйзамдагы уурулар» Шалинский аталган сумманы өзүнө ыйгарып алып, бир жолу бою анын чоо-жайын түшүндүрө албай келген, деп эсептешти.

Жыйынтыгында 25тен ашуун «мыйзамдагы ууру» Шалинскийди катарынан чыгарды. Алардын ичинде Азиз Батукаев да бар болчу.

Эске салсак, 2006-жылы Батукаев бир катар кылмыштары үчүн 16 жыл 8 айга эркинен ажыратылган. 2013-жылы апрель айында ден соолугуна байланыштуу түрмөдөн бошотулган. Эртеси Грозный шаарына учуп кеткен.

Андан соң 2019-жылы Кыргызстанда бир катар чиновниктер, саясатчылар, дарыгерлер, күч органдарынын кызматкерлери жана мурдагы президент Алмазбек Атамбаев Батукаевди мыйзамсыз бошотууга айыпталып, кармалышкан.

Булак: NazarNews.kg

Поделитесь с друзьями