«Илдетке чалдыккандардын саны кыйла аз катталган Европа өлкөлөрү шайлоолорду кийинкиге жылдырып жаткан чакта, пандемия күч алган Беларуста шайлоо өткөрүү өтө кооптуу», — деп билдирди «Беларус элдик фронту».

Ал эми солчул күчтөрдүн өкүлдөрү шайлоо өткөрүү чечимин «кылмыш» деп аташты. «Коронавирус инфекциясы тездик менен жайылып жаткан шартта жакынкы үч айда шайлоо өткөрүү көптөгөн адамдарын ден соолугу менен өмүрүн тобокелдикке салат», — деп жазылган «Адилеттүү дүйнөнүн» борбордук комитетинин билдирүүсүндө.

Акыркы маалыматтарга таянсак, Беларуста коронавирус жуктургандардын 23 миңге жетип, 131 бейтап каза болду.

Булак: NazarNews.org