Болгону 5 депутат келди. Кворум чогулбагандыктан, парламенттин кезексиз жыйыны болбой калды
Саясат  |   |  1636

Бүгүнкү жыйында эл өкүлдөрү баш прокурордун сунуштамасын кароо үчүн депутаттык комиссия түзмөк.

Жогорку Кеңештин кезексиз жыйыны кворум жок өтпөй калды.

Бүгүн эртең менен саат 14:00дө депутаттардын кезексиз жыйыны өтөрү кабарланган. Күн тартибине парламентарийлер Асылбек Жээнбеков менен Төрөбай Зулпукаровдун кол тийбестигинен ажыратуу киргизилген.

Аталган убакытта депутаттар чогулган жок. Мындан улам төраганынын милдетин аткаруучу Аида Касымалиева 15 мүнөт күтүп, регламентке таянып 15 мүнөттүк танапис жарыялады. Андан кийин да эл өкүлдөрү келбей, бешөө гана каттоодон өттү.

Буга байланыштуу Касымалиева жыйын өткөн жок эсептеп, жыйынтыктады.

Белгилей кетсек, башкы прокурор Курманкул Зулушев парламентке депутаттар Жээнбеков менен Зулпукаровду кылмыш жоопкерчилигине тартууга макулдук берүү сунуштамасын жөнөткөн.

Бүгүнкү кезексиз жыйында эл өкүлдөрү аталган сунуштаманы кароо үчүн депутаттык комиссия түзөрү күтүлгөн.

Булак: NazarNews.kg

Поделитесь с друзьями