Бүгүн, 16-мартта Орусия менен Украинанын делегацияларынын ортосундагы сүйлөшүүлөр уланат. Бул тууралуу Владимир Зеленскийдин кеңсе башчысынын кеңешчиси Михаил Подоляк билдирди.

Маалыматка караганда, буга чейинки сүйлөшүүлөр жакшы жыйынтык бербей, айрым учурларда пикир келишпестиктер жаралган. 

Бирок, ага карабай согушту токтотуу максатында, Владимир Зеленский сүйлөшүүлөрдү жүргүзүү керектигин баса белгилеген.

"Биз эртең да улантабыз. Абдан татаал сүйлөшүү болууда. Бул жерде принципиалдуу карама-каршылыктар бар. Бирок, тыныгууда топтор арасында иш уланат", - деп айтылат маалыматта.

Белгилей кетсек, алгачкы сүйлөшүүлөр Беларустун аймагында өткөн, акыркы эки сүйлөшүү онлайн түрүндө жүргүзүлгөнү маалым болгон.

Булак: NazarNews.kg