Бүгүнтөн баштап электр энергияга болгон баа көтөрүлдү

Журналист: АЙСУЛУУ ТАЛАНТ

01.05.2023, 10:38

13908

коом

Бүгүн, 1-майдан тарта калк үчүн электр энергиянын баасы 23 тыйынга жогорулап, 1 сомду түзөт. Тиешелүү токтомго Министрлер кабинетинин төрагасы Акылбек Жапаров 14-апрелде кол койгон.

Документке ылайык, электр энергиясын 700 кВт саттан жогору пайдаланган учурда тариф мурдагы деңгээлде сакталат – 2,16 сом/кВт.с.

Муктаж болгон үй-бүлөлөр жана жарандар үчүн тариф мурдагы деңгээлде сакталып, 1 кВт.с үчүн 50 тыйынды түзөт.

Электр энергиясын лимитсиз жана кубаттуулукту чектөөсүз пайдаланууну каалагандар үчүн тариф 5,04 сом/кВт.с ордуна 3,28 сом/кВт.с чейин төмөндөтүлдү.

«Тарифтерди жогорулатууга байланыштуу көрүлүп жаткан чаралар өлкөнүн энергетикалык коопсуздугун камсыз кылууга жана керектөөнүн көлөмү динамикалуу өсүп жаткан шарттарда калкты электр энергиясы менен үзгүлтүксүз жабдуу үчүн зарыл болуп жатат», — деп айтылат маалыматта.

Өкмөттүн маалыматында, тарифтик саясатка киргизилип жаткан өзгөрүүлөр энергетикалык жабдууларды жаңылоого мүмкүндүк берет, алардын 80%дан көбү эскирген абалда экени маалымдалган.

Булак: NazarNews.kg