Бишкек шаарынын 145 жылдыгын белгилөөнүн урматына борбор калаанын мэриясы тургундар жана коноктор үчүн майрамдык программа даярдады.

Муниципалитеттен билдиришкендей, 29-апрелде (Шаар күнү) саат 18.00дө борбордук “Ала-Тоо” аянтында майрамдык концерт уюштурулат.

Мындан тышкары, 27-28-апрель күндөрү концерттер жана башка маданий иш-чаралар өткөрүлмөкчү:

• 27-апрелде саат 14.00дө Бишкек шаарынын борборлоштурулган китепканасында (Чокморов көч., 246) илимий-практикалык конференция өтөт.
• 27-апрелде саат 18.00дө “Ынтымак-2” сейил багында мэриянын маданият башкармалыгынын “Кыргыз руху”, “Сувенир” чыгармачыл топторунун концерти болот.
• 27-28-апрелде Фучик атындагы сейил багындагы Диалог маданият үйүндө концерт жана сынактар өтөт.
• 28-апрелде саат 11.30да Тоголок Молдо аянтында “Менин сүйүктүү шаарым” аттуу китеп көргөзмөсү болот.
• 28-апрелде саат 18.00дө Курманжан Датканын эстелигинин жанында мэриянын маданият башкармалыгынын “Семетей”, “Доор” чыгармачыл жамааттарынын концерти болот.

Ошондой эле майрамдык иш-чаралар борбор калаанын төрт районунда тең өткөрүлмөкчү. Программа менен толук таанышуу үчүн шилтемени басыңыз.

Булак: NazarNews.kg