Президент Сооронбай Жээнбеков Бишкек шаарынын аймагына кайтадан өзгөчө абал режимин киргизүү жарлыгына кол койду. Бул туурасында мамлекет башчынын маалымат кызматы билдирди.

Аталган чечим Жогорку Кеңеш үч күндүн ичинде борбор калаанын аймагында буга чейин өзгөчө абал режимин киргизүү жөнүндө маселени карабагандыгына байланыштуу кабыл алынган.

Аталган жарлык президент кол койгон күндөн тартып күчүнө кирет.

Бишкек шаарынын аймагында коомдук тартипти камсыз кылуу максатындагы токтомдун толук тизмеси президенттин расмий сайтында жайгашкан.

Булак: NazarNews.kg