DiplomacyPRO коомдук платформасы эл аралык мамилелер жана дипломатия чөйрөсүндөгү эксперттердин, ошондой эле дипломатиялык процесстердин өнүгүүсүнө жана бекемделишине кызыкдар тараптардын жолугушуу аянтчасы болуп саналат.

Биргелешип биз өзүбүздүн өнүгүүбүзгө гана эмес, ошондой эле эл аралык дипломатия тармагындагы жалпы прогресске салым кошуп, жигердүү билим, идеялар жана тажрыйба алмашуу үчүн чөйрөнү түзүү максатталган. Бул платформа эл аралык аренадагы ар кандай маселелер боюнча Кыргызстандын кызыкчылыгын талдоо жана көрсөтүүгө жөндөмдүү эксперттик коомчулукту калыптандырууга да салымын кошо алат.

Кыргыз Республикасында дипломатиялык коомчулукту өнүктүрүү, эл аралык мамилелерди тереңдетүү жана ааламдашуу шартында өлкөнүн туруктуу өнүгүүсүн камсыз кылуу үчүн зарыл. Мындай коомчулук жаш жана таланттуу инсандардын эл аралык саясат, дипломатия жана эл аралык укук маселелерин өздөштүрүү жана түшүнүү үчүн тартууга жардам берет.

Ал ошондой эле дүйнөнүн чакырыктарын натыйжалуу чечүүгө жөндөмдүү лидерлердин жаңы муунун калыптандырууга өбөлгө түзөт, ар түрдүү өлкөлөрдүн жана маданияттардын ортосунда тынчтыкта жанаша жашоону жана кызматташтыкты камсыз кылат, эл аралык диалогду жана дипломатиялык мамилелерди өнүктүрүүгө көмөк көрсөтөт.

Иш-чарага Кыргыз Республикасынын Жогорку Кеңешинин депутаттары, Кыргыз Республикасындагы эл аралык уюмдардын өкүлдөрү, жаш адистер жана дипломаттардын катышуусу күтүлүүдө.

Өтчү жери: Улуттук тарых музейинин жыйындар залы.

Дата: 29.03.2024, убактысы: 16:00дөн 18:00гө чейин.