Бала бакчадагы коронавирус жуктурган 3 кызматкер №111, №35 жана №37 муниципалдык бала бакчаларда иштейт. Ал эми дагы үчөө "Ак Шоола", "Ак Жол", "Асылай" менчик бала бакчаларынын кызматкерлери. Бул тууралуу Бишкек шаардык мэриясынын маалымат кызматынан кабарлашты.

Маалыматка ылайык, оорулуулар бейтапканага жаткырылды. Алар менен байланышта болду делинген жарандар аныкталып, үй карантинине жөнөтүлдү, бардыгы дарыгерлердин көзөмөлүндө.

“Борбор калаадагы абалды шаардык штаб көзөмөлдөп жатат.

Күн сайын коронавирустун очокторун аныктоо боюнча иштер аткарылып, мониторинг жүргүзүлүүдө”,-деп айтылат маалыматта.

Белгилей кетсек, кечээ, 9-июнда республикалык штаб борбор калаадагы бала бакчалардын 6 кызматкеринен коронавирус аныкталганын маалымдалган.

Булак: NazarNews.kg