Бишкек шаарында коронавирус жуктуруп алгандар күндөн күнгө көбөйүп жатат. Себеби борбордо обсервациялардын көбү жайгашкан. Бул тууралуу саламаттыкты сактоо министринин орун басары Нурболот Үсөнбаев билдирди.

"Бишкекте обсервациялар, ага жайгаштырылгандар көп. Ошондой эле вирус аныкталган жарандар менен байланышта болгондор дагы көп. Мындан улам интенсивдүү иштерге тартылган дарыгерлер дагы көп болуп, маселе жаралууда. Биз бул маселени акырындык менен жөнгө салып, тиешелүү иштерди жүргүзөбүз", - деди ал.

Булак: NazarNews.kg