Бишкектин мурдагы вице-мэри Мирлан Амантуров алдамчылыктан шектелүүдө. Бул тууралуу 24.kg агенттигине өздүк булактар ​​билдирди.

Милицияга ишкер айым арыз менен кайрылган. Ал мурдагы аткаминер андан 2021-жылы биргелешкен бизнес үчүн 50 миң доллар алып, кайтарып бербегенин айткан.

«Мирлан Амантуров бизнеске инвестиция катары 50 миң доллар алган. Ал аялга ай сайын белгилүү бир сумманы төлөп турууга убада кылган. Ал насыя келишимине тууганынын атын жаздырган. Азыр муниципалитеттин мурдагы кызматкери жаранга акча бербей, тоготпой жатат. Жабырлануучу ИИМдин тергөө кызматына арыз жазган», - деп билдиришти редакцияга.

Булак: 24.kg