БШК Демократия үчүн коалициясынын президенттикке талапкер Садыр Жапаровдун 23-ноябрда “7-каналга” берген маегине байланыштуу арызын канааттандырган жок. Мындай чечим кечээ, 4-декабрда Борбордук шайлоо комиссиясынын отурумунда кабыл алынды.

Белгилей кетсек, БШКнын мүчөлөрү телеканалды жазалоону сунушташты, бирок алар Жапаровдун иш-аракеттеринен одоно мыйзам бузууларды байкаган жок.

“Бул бардык ЖМКларга профилактикалык чара болсун”, – деди Кайрат Осмоналиев.

Бул арада БШКнын дагы бир мүчөсү талапкерлерден шайлоо алдындагы жарыш башталганга чейин маектешүүдөн алыс болууну суранды.

Жыйынтыгында, талапкерлерге жана жалпыга маалымдоо каражаттарына үгүттөө иш-аракеттеринин белгилери камтылышы мүмкүн болгон маалымат материалдарын жарыялоодон алыс болуш үчүн оозеки кайрылуу менен гана чектелди.

Булак: NazarNews.kg