Коронавирустун жайылышына каршы дүйнөнүн көпчүлүк өлкөлөрүндө киргизилген карантин шартында үй-бүлөлүк зомбулук учурларынын саны кескин көбөйдү. Бул тууралуу Бириккен Улуттар Уюмунун (БУУ) баш катчысы Антониу Гутерриштин «Твиттерге» жарыяланган видеокайрылуусунда айтылат.

Peace is not just the absence of war. Many women under lockdown for #COVID19 face violence where they should be safest: in their own homes.

Today I appeal for peace in homes around the world.

I urge all governments to put women’s safety first as they respond to the pandemic. pic.twitter.com/PjDUTrMb9v

— António Guterres (@antonioguterres) April 6, 2020

«Акыркы жумаларда экономикалык жана социалдык басымдын күчөшү менен үй-бүлөдөгү зомбулук болуп көрбөгөндөй көбөйгөнүн көрүп жатабыз. Изоляция зарылдыгынан улам айрым аялдар катаал мамиле кыла турган өнөктөштөрү менен бетме-бет калышты. Айрым өлкөлөрдө колдоо кызматтарына кайрылган аялдардын саны эки эсеге өстү», — деди Гутерриш.

Айрым маалыматтар боюнча ушу тапта дүйнө боюнча калктын үчтөн бири же 2,6 миллиард киши карантин шартында жашап жатат.

Булак: NazarNews.kg