www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
«КР Чек ара ыйгарым мыйзамына өзгөртүүлөрдү киргизүү жөнүндө» мыйзам долбоору Жогорку Кеңештин сайтына чыгарылып, коомдук талкууга коюлду. Аны депутаттар Абдывахап Нурбаев, Исхак Пирматов, Жанар Акаев, Мирлан Жеенчороев, Алтынбек Сулайманов, Карамат Орозова, Улугбек Садыков демилгелеген.
Маалым болгондой, мыйзам долбоордо чек ара аймагында жашаган жергиликтүү жарандардан, тактап айтканда, ошол жерди мыкты билген адамдардан атайын кошуун түзүү, аларды аскердик окуудан, машыгуулардан өткөрүү, зарыл болгон учурда курал колдонуусуна уруксат берүү маселелери сунушталган. Айта кетчү жагдай, курал-жарак же коргонуу каражаттарын берүүнү Министрлер кабинети аныктайт.
Мыйзам ишке кирсе, «чек арадагы ыйгарым укуктуу кошуундардын» макамы аскер кызматкерлеринин даражасында каралып, өмүрүнө, саламаттыгына кепилдикти мамлекет алат. Андан тышкары мындай кошуундарды өлкөнүн бардык аймактарында көбөйтүү маселеси да камтылган.
«Ыйгарым укуктуу чек арачыларды» түзүүдөгү башкы максат өлкөнүн эгемендигин жана аймактык бүтүндүгүн, жарандардын коопсуздугун коргоо, мүлкүн жана башка жашоого керектүү социалдык объектилерин сактоо үчүн чек арачыларга жардам берүү экени мыйзамдын түшүндүрмөсүндө белгиленди.
Булак: NazarNews.kg
< Предыдущий
Следующий >
Последние новости
