8-март майрамы алдында ар бир кызга жакшы сөз айтса жарашат. Күндүн көңүлү менен, ырдын көңүлү башка. Кар жаады, күн деле жаркырап тиер, бирок, кыздардын майрамы түбөлүк!

 

Модалуу кийим кийишет,

Моменттерди билишет.

«Городской» көрүшсө,

Мойнуна каамыт илишет.

 

Кыргызча чала, орус так,

Кыңк эттирбей коюшат.

Каарына калса эгерде,

Каратэ менен согушат.

 

Башыма балээ үйдүк деп,

Байкабай мына күйдүк деп.

Баштары ооруйт шаардыктын,

Баш кошкон жарым чүйлүк деп.

Азизбек КЕЛДИБЕКОВ, NazarNews.kg