Жогрку Кеңештин депутат Дастан Бекешев азык-түлүктөрдүн баасынын жогорулашы боюнча кийинки аптада өкмөттүн маалыматын угууну сунуштады. Бул тууралуу ал парламенттин бүгүн, 24-марттагы жыйынында билдирди.

«Азык-түлүктөрдүн баасы кескин кымбаттады. Бул маселени тийиштүү комитеттин жыйынында дагы көтөрдүм. Кийинки аптада бул маселени кароо керек. Өкмөт тарабынан көрүлүп жаткан чаралар боюнча маалымат угалы. Бул маселени Жогорку Кеңеште биз дагы карашыбыз керек. Өкмөт эмне жумуш кылып жатат? Чет өлкөдөгү биздин жарандар паспорт ала албай жатат», - дейт депутат.

Мындан тышкары ал учурда паспорттук кризис болуп жатканын кошумчалады. 

Булак: NazarNews.kg