Бүгүн, 10-июнда Жогорку Кеңеште депутат Дастан Бекешев Улуттук китепкананын кызматкерлеринин айлыгын көтөрүп чыкты.

Депутатын айтмында китепкананын кызматкерлеринин айлыгы аз.

"Өкмөт Улуттук китепканалардын айлыктарын көтөрөбүз деп, бирок андай ишке барган жок. Азыр кандай болуп жатат? Аракеттер болуп жатабы?", - деп сурады депутат.

Маданият, маалымат жана туризм министринин орун басары Нуржигит Кадырбеков бул маселе боюнча аракеттер көрүлүп жатканын айтты. 

"Айлыкты буюрса көтөрүбүз, аракеттер болуп жатат. Бул үчүн бир жылга 20 миллион сом акча керек болот экен", - деди Кадырбеков.

Депутат: "Улуттук китепкананын директору 9 миң сом айлык алганы, кызматкер 5 миң сом алганы уят да", - деди.

Булак: NazarNews.kg